Fjarðabyggð tapaði fyrsta leik
Lífið • This email address is being protected from spambots. You need JavaScript enabled to view it. • Fyrst birt 11. maí 2009 09:43 • Uppfært 08. jan 2016 19:20
Fjarðabyggð tapaði 0-1 fyrir Aftureldingu í fyrstu umferð 1. deildar karla í knattspyrnu á Norðfjarðarvelli á sunnudag.
Eina mark leiksins kom eftir um hálftíma leik úr vítaspyrnu sem dæmd var á Hauk Ingvar Sigurbergsson, fyrirliða Fjarðabyggðar, fyrir hendi. Fjarðabyggð fékk ágæt færi til að skora, bæði fyrir og eftir markið. Það besta féll í skaut Ágústs Arnarsonar sem skaut í þverslá í upphafi leiks. Undir lok leiksins voru gestirnir nærri búnir að bæta við marki þegar Srdjan Rajkovic, markvörður Fjarðabyggðar, hætti sér með í sóknina í von um að skora jöfnunarmarki. Mosfellingar náðu boltanum eftir hornið og komu honum fram en Rajko snéri aftur og bjargaði í horn. 
