Bókhaldsmappa fannst á brimvarnargarðinum
Lífið • This email address is being protected from spambots. You need JavaScript enabled to view it. • Fyrst birt 07. júl 2009 10:43 • Uppfært 08. jan 2016 19:20
Mappa með bókhaldsgögnum frá útgerðarfélaginu Fossvík fannst sjóblaut á Breiðdalsvík í gær.
Mappan er merkt fyrirtækinu og í henni reikningar stílaðir á það. Starfsmenn hreppsins fundu möppuna úti á brimvarnargarðinum skammt frá áhaldahúsinu. Þar í grenndinni er einnig ruslagámur sem krakkar eiga það til að tína úr.
Ekki er vitað hvernig mappan komst upp á brimvarnargarðinn. Reynt var að þurrka hana í gær í von um að geta skoðað gögnin nánar.
Fossvík ehf. var stofnuð árið 2002. Héraðsdómur Austurlands úrskurðaði fyrirtækið gjaldþrota í apríl. Skiptafundur var haldinn í seinustu viku. Húsnæði Fossvíkur var rýmt í vetur.
