Atvinnumálaþing á föstudag
Lífið • This email address is being protected from spambots. You need JavaScript enabled to view it. • Fyrst birt 03. mar 2009 15:57 • Uppfært 08. jan 2016 19:19
Atvinnumálaþing verður haldið föstudaginn 6. mars kl. 14.00 - 17.00, í Valaskjálf, Egilsstöðum. Á fundinum flytja framsögur formaður atvinnumálanefndar Fljótsdalshéraðs og fulltrúar atvinnulífsins í sveitarfélaginu. Atvinnurekendur og íbúar sveitarfélagsins eru hvattir til að mæta og taka þátt í mikilvægri umræðu um atvinnulífið.
Stoðstofnanir atvinnulífsins kynna þjónustu sína og verða til viðtals.
Þátttakendur ræða í vinnuhópum m.a. um rekstrarumhverfið og stöðuna, hlutverk opinberra aðila og stoðkerfisins, tækifæri framtíðarinnar, menntun og nýsköpun í fyrirtækjum ofl. Á fundinum verða einnig teknar til umræðu hugmyndir um stofnun vettvangs atvinnulífsins á Héraði.
