700.IS Hreindýraland 2009
Lífið • This email address is being protected from spambots. You need JavaScript enabled to view it. • Fyrst birt 05. mar 2009 15:12 • Uppfært 08. jan 2016 19:19
Videó- og kvikmyndahátíðin www.700.is Hreindýraland verður haldin í fjórða sinn á Fljótsdalshéraði og nágrenni 21. – 28.mars næstkomandi. Þessi tilrauna-kvikmyndalistahátíð verður haldin með nýju sniði að þessu sinni, þar sem ákveðið var að nú skyldi sjónum beint að videó-innsetningum. Því munu 7 listamenn, eða pör, vinna slíkar innsetningar í Sláturhúsið á Egilsstöðum, en einnig hafa verið valin 4 prógrömm frá gestasýningastjórum sem verða sýnd í nágrenninu meðan hátíðin stendur; á Eiðum, í Skaftfelli á Seyðisfirði, á Skriðuklaustri og í Þekkingarsetri Austurlands á Egilsstöðum.
Fyrirhugað er að halda stærri hátíð (með fleiri listamönnum, námskeiðum o.s.frv. eins og verið hefur til þessa) annaðhvert ár, en hafa hana lágstemmdari með meiri innsetningum hitt árið.
