Vonir um að létt verði á rýmingu á Eskifirði
Vonir eru um að hægt verði að létta á rýmingu á Eskifirði, annað hvort að hluta til eða öllu leyti í dag.
Þetta kemur fram á vefsíðu Fjarðabyggðar. Þar er vitnað í tilkynningu frá lögreglunni sem segir að enn sé unnið að mælingum á Oddsskarðsvegi og staðan endurmetin síðar í dag. Rýming stendur því enn.
Gera má ráð fyrir að niðurstöður mælinga liggi fyrir um klukkan fimm í dag og standa þá vonir til að rýmingu megi aflétta að hluta eða öllu leyti. Næsta tilkynning verður send um klukkan 15.
