Vonast til að vinnu í göngunum ljúki í nótt
Vonast er til að viðgerðum á lofti Norðfjarðarganga ljúki í nótt þannig að umferð geti verið með eðlilegum hætti á ný í fyrramálið.Göngin hafa verið lokuð frá klukkan átta að kvöld til sjö að morgni undanfarna daga vegna vinnu í göngunum.
Síðustu nótt var unnið til að verða fjögur og var klárað að setja upp net. Nú í nótt stendur til að sprauta steypu á svæðið. Gangi það án vandræða mun ekki þurfa að loka göngunum aftur.
Umferð um þau hefur verið takmörkuð í tvær vikur eftir að berg og steypa hrundi úr lofti þeirra.
