Von á talsverði úrkomu fram til klukkan níu í fyrramálið
Veðurstofa Íslands hefur gefið út appelsínugula viðvörun vegna úrkomu á Austfjörðum frá klukkan 17 í dag til klukkan níu í fyrramálið. Rýming húsa á Seyðisfirði stendur því fram til morguns.Í samantekt Veðurstofunnar segir rigningin valdi auknum grunnvatnsþrýstingi og viðhaldi hárri grunnvatnsstöðu. Áfram sé því hætta á vatnsflóðum og skriðuföllum á svæðinu auk mikils álags á fráveitukerfi sem skapi miklar líkur á vatnstjóni.
Óvissustig er á Austfjörðum vegna skriðufalla en hættustig á Seyðisfirði þar sem þrjár skriður féllu nærri byggðinni í gær. Þar voru um 50 hús rýmd í gærdag. Sú rýming stendur fram til klukkan níu í fyrramálið, samkvæmt tilkynningu frá lögreglu. Staðan verður þá endurskoðuð. Þeir sem eru á rýmingarsvæði að huga að eignum sínum eiga að vera farnir þaðan í síðasta lagi klukkan 16:30.
Í tilkynningu lögreglu segir að gert sé ráð fyrir talsverði úrkomu á Austfjörðum frá klukkan 17 í dag til 9 í fyrramálið. Þá dragi úr en bæti aftur í um klukkan 17 á morgun.
Utan Seyðisfjarðar hefur ástandið verið verst á Eskifirði. Þar hafa smáskriður fallið ofan í árvegi og flætt inn í kjallara húsa vegna hárrar grunnvatnsstöðu.
