Útlit fyrir kalda viku
Útlit er fyrir að Austfirðingar þurfi að klæða sig vel ætli þeir að vera úti við í vikunni. Spáð er um tíu stiga frosti flest alla daga.
Samkvæmt veðurspá er útlit fyrir austlægar áttir og 8-15 stiga frost. Útlit er fyrir að kaldast verði á Héraði á miðvikudagskvöld.
Á Egilsstöðum var 10 stiga frost í morgun. Útlit er fyrir að heldur hlýni eftir hádegið en þá bæti einnig í vind og úrkomu.
Á fimmtudag er útlit fyrir hvassviðri með snjókomu. Um kvöldið snýst um sunnanátt og hlýnar heldur en kólnar aftur á föstudags og laugardag með norðan og norðaustanáttum.