Kosið utan kjörfundar á tíu stöðum austanlands
Utankjörfundaratkvæðagreiðsla vegna forsetakosninganna í umdæmi Sýslumannsins á Austurlandi fer ekki aðeins fram á sýsluskrifstofum, heldur einnig á fjölmörgum stöðum innan fjórðungsins.
Nú eru aðeins rúmar tvær vikur í að Íslendingar gangi að kjörborðinu og kjósi sér næsta forseta, en kjördagur er laugardagurinn 25. júní næstkomandi.
Fram til þess tíma er hægt að greiða utan kjörfundar á öllum sýsluskrifstofum embættisins sem hér segir:
Seyðisfjörður: Bjólfsgötu 7, frá klukkan 9:00-15:00
Egilsstaðir: Lyngási 15, frá klukkan 9:00-12:00 og 13:00-15:00
Eskifjörður: Strandgötu 52, frá klukkan 9:00-15:00
Vopnafjörður: Lónabraut 2, frá klukkan 10:00-13:00
Þess utan er einnig boðið upp á að greiða atkvæði á öðrum stöðum og öðrum tímum sem hér segir:
Borgarfjörður: Á hreppstofunni, á opnunartíma og samkvæmt samkomulagi við kjörstjóra.
Breiðdalshreppur: Á skrifstofu sveitarfélagsins, Selnesi 25, á opnunartíma.
Djúpivogur: Á skrifstofu sveitarfélagsins, Bakka 1, á opnunartíma.
Neskaupstaður: Á bókasafninu. Nesskóla, Skólavegi 9, jarðhæð, á almennum opnunartíma safnsins, mánudaga til fimmtudaga.
Fáskrúðsfjörður: Á bókasafninu, Grunnskóla Fáskrúðsfjarðar, Hlíðargötu 56, á almennum opnunartíma safnsins, á miðvikudögum og föstudögum.
Fljótsdalshérað: Á bókasafninu, Safnahúsinu, Laufskógum 1, 3. hæð, alla virka daga milli klukkan 15:00-19:00.
Margvíslegar upplýsingar um forsetakosningarnar er að finna á vefnum kosningavef innanríkisráðuneytisins, www.kosning.is.