Umhverfisviðurkenningar veittar í Fjarðabyggð
Þrjá umhverfisviðurkenningar voru veittar í Fjarðabyggð í síðustu viku, en það var í fyrsta skipti sem sveitarfélagið veitir viðurkenningar af þeim toga.
Viðurkenningar veittu þeir Páll Björgvin Guðmundsson, bæjarstjóri og Jón Björn Hákonarson, formaður eigna-, skipulags- og umhverfisnefndar og voru þær í þremur flokkum; fyrir snyrtilegustu lóð við íbúðarhús, snyrtilegasta umhverfi íbúðarhúss í dreifðri byggð og snyrtilegustu fyrirtækjalóðina.
Viðurkenningu fyrir snyrtilegustu lóð við íbúðarhús hlutu Kristbjörg Kristinsdóttir og Hörður Þórhallsson, Heiðarvegi 25, Reyðarfirði.
Viðurkenningu fyrir snyrtilegasta umhverfi íbúðarhúss í dreifðri byggð hlutu Dalir I og II, í Daladal í Fáskrúðsfirði. Ábúendur eru Ármann Elísson og Jóna Ingunn Óskarsdóttir.
Verðlaun fyrir snyrtilegustu fyrirtækjalóð hlaut svo Síldarvinnslan í Neskaupstað, SVN.
Auglýst var eftir tilnefningum í ágúst og september sl. og var öllum með lögheimili í Fjarðabyggð heimilt að senda inn tilnefningar. Skipan dómnefndar og yfirumsjón málsins heyrir undir eigna-, skipulags- og umhverfisnefnd Fjarðabyggðar. Stefnt er að því að þessi ánægjulegi viðuburður fari framvegis fram daginn fyrir fyrsta vetrardag á hverju ári.
F.v. Anna Berg Samúelsdóttir, umhverfisstjóri, Jón Björn Hákonarsonar, formaður ESU, Jón Már Jónsson, SVN, Guðný Bjarkadóttir, SVN, Sigfús Sigfússon, SVN, Hörður og Kristbjör á Heiðarvegi 25, Ármann og Jóna Ingunn, Dölum I og II og Páll Björgvin Guðmundsson, bæjarstjóri.
