Tvö umferðaróhöpp á sama staðnum í Fáskrúðsfirði

Höfundur: Gunnar Gunnarsson • Skrifað: 19. september 2016.

Tvö umferðaróhöpp urðu um helgina í utanverðum Fáskrúðsfirði þar sem staðið hafa yfir vegaframkvæmdir. Mildi þykir að ekki urðu teljandi slys á fólki.

Slysin urðu í svokölluðu Einstigi yst í firðinum á leiðinni yfir til Stöðvarfjarðar. Lausamöl er þar á veginum sem varð til þess að tveir ökumenn misstu stjórn á bílum sínum, annar á föstudag, hinn á laugardag.

Jónas Wilhelmsson, yfirlögregluþjónn, segir mildi að ökumenn bílanna, sem voru einir á ferð hafi sloppið með lítil meiðsli. „Báðir bílarnir fóru mjög illa og þess vegna er mildi hvernig þeir sluppu.“