Tíu konur útskrifaðar af námskeiðinu Brautargengi
Tíu austfirskar konur útskrifuðust nýverið af námskeiði Nýsköpunarmiðstöðvar sem ber heitir Brautargengi. Á 15 vikum unnu þær að undirbúningi og þróun fjölbreyttra viðskiptahugmynda sem miða að því að auka við þau atvinnutækifæri sem fyrir eru á svæðinu.
Námskeiðið var undir stjórn Önnu Guðnýjar Guðmundsdóttir verkefnastjóra Nýsköpunarmiðstöðvar Íslands sem fékk í lið með sér Katrínu Jónsdóttur verkefnastjóra Nýsköpunarmiðstöðvar Íslands á Austurlandi og einvala lið kennara.
Anna Guðný segir starfsmenn Nýsköpunarmiðstöðvar afar stolta yfir fjölda þeirra kvenna sem tók þátt hér á Egilsstöðum og komu þær frá Vopnafirði, Borgarfirði eystri, Egilsstöðum, Seyðisfirði og Breiðdalsvík.
„Við horfum björtum augum fram á við og vonumst til að geta haldið annað námskeið í haust og fengið til okkar efnilegar og kröftugar konur með hugmyndir sem þær vilja láta verða að veruleika.“
Nýsköpunarmiðstöð Íslands hefur í gegnum tíðina útskrifað 1200 konur af námskeiðinu Brautargengi. Í könnun sem gerð var á vegum Félagsvísindastofnunar Íslands kom í ljós að 80% svarenda segja að þátttaka í Brautargengisnámskeiði hafi stuðlað að betri árangri í rekstri.
Meira en rúmur helmingur þeirra kvenna sem lokið hafa Brautargengisnámskeiði reka fyrirtæki í dag og hafa skapað mikilvæg verðmæti fyrir sjálfar sig og þjóðfélagið.