Styrkja ekki rafrænt þorrablót
Byggðaráð Múlaþings telur að það ekki geta orðið við ósk þorrablótsnefndar Egilsstaða um að veita henni fjárstyrk til að koma á rafrænu þorrablóti á næsta ári. Þorrablóti Seyðfirðinga hefur verið aflýst í ljósi samkomutakmarkana.Ekki hefur verið gert ráð fyrir slíkum styrkjum en ekki er öll nótt úti því nefndinni er vísað á næstunni verði auglýst eftir styrkumsóknum fyrir atvinnu- og menningartengd verkefni á næsta ári.
Nefndin óskaði eftir stuðningi þar sem útlit er fyrir að afar erfitt verði að halda þorrablót vegna samkomutakmarkana.
Atvinnu- og menningarmálastjóri Múlaþings tók stöðuna hjá öðrum þorrablótsnefndum í sveitarfélaginu og var niðurstaðan sú að þær væru margar að skoða að fresta blóti fram á vor eða jafnvel um ár.
Þegar hefur verið ákveðið að aflýsa blótinu á Seyðisfirði en það hefur alla jafna verið haldið á bóndadag. Hann er 22. janúar á næsta ári en núverandi samkomutakmarkanir gilda til 12. janúar.
Samkvæmt samantekt Austurfréttar um þorrablótin á þessu ári voru níu hefðbundnum þorrablót haldin á svæðinu sem nú er orðið að Múlaþingi fyrir utan blót félagasamtaka.