Rýming á Seyðisfirði endurmetin í hádeginu
Rýming á Seyðisfirði verður endurmetin í hádeginu. Eins og kunnug er af fréttum voru tæplega 50 hús með um 100 íbúum rýmd í gærkvöldi.
Á vefsíðu lögreglunnar segir að ekki hafa borist frétttir af skriðuföllum á Austfjörðum í gær eða nótt. Úrkomumælingar á Seyðisfirði sýna samtals 40-45 mm síðan í gærkvöldi, úrkoman fór upp í 6-7 mm/klst síðla nætur og nú í morgun.
Heildarúrkoma síðan á sunnudag er komin í um 90-110 mm á sjálfvirku veðurstöðvunum þremur í firðinum. Nokkru meiri úrkoma mældist á veðurstöðvum sunnar á fjörðunum, Fáskrúðsfirði, Eskifirði og Neskaupstað. Engin marktæk hreyfing á jarðlögum í hlíðinni hefur mælst í nótt.
Um hádegi ætti að stytta upp að mestu á Austfjörðum en í kvöld kemur annar úrkomubakki upp að ströndinni sem verður líklega slydda eða snjókoma. Rýming á Seyðisfirði verður endurmetin um hádegisbil.
Mynd. Lögreglan.
