Nýr fjármálastjóri Alcoa Fjarðaáls
Gunnlaugur Aðalbjarnarson tók um áramót við starfi framkvæmdastjóra fjármála hjá Alcoa Fjarðaála. Hann tekur við starfinu af Ruth Elfarsdóttur sem gegnt hefur því frá árinu 2006.
Í tilkynningu frá Fjarðaáli segir að Ruth sinni áfram fjármálatengdum verkefnum fyrir Alcoa Corporation og muni að mestu hafa starfsstöð á skrifstofu fyrirtækisins í Reykjavík.
Gunnlaugur er með MBA gráðu frá Háskólanum í Reykjavík frá árinu 2009 og útskrifaðist úr viðskiptafræði frá Háskóla Íslands árið 1993.
Gunnlaugur hefur síðustu tvö ár verið fjármálastjóri sveitarfélagsins Norðurþings en áður var hann í fjármálateymi Fjarðaáls í 2009-2015. Þar áður stýrði hann Kaupfélagi Héraðsbúa um sjö ára skeið.