Nýjum Norðfjarðargöngum ákaft fagnað – Myndir
Yfir þúsund manns mættu þegar ný Norðfjarðargöng voru opnuð á laugardag. Segja má að stöðug hátíðarhöld hafi verið á Eskifirði og Norðfirði alla helgina.Gestir létu það ekki á sig fá þótt kalt væri í veðri og fjölmenntu með hlýju í hjarta að gangamunnanum Eskifjarðarmegin.
Jón Gunnarsson, samgönguráðherra klippti á borða og opnaði göngin formlega með aðstoð Stefáns Þorleifssonar, 101 árs frá Norðfirði og Önnu Hallgrímsdóttur, 100 ára frá Eskifirði.
Stefán ók síðan fyrsta bílnum í gegnum göngin með ráðherrann í farþegasætinu.
Göngin eru hin lengstu á Íslandi, lengd þeirra í bergi eru rúmir 7,5 kílómetrar. Framkvæmdir við þau hófust síðsumars árið 2013.
Eftir vígsluathöfnina var
Segja að fagnað hafi verið í Fjarðabyggð alla helgina en byrjað var á gangahlaupi á föstudagskvöld sem ríflega 100 manns tóku þátt í. Af öðrum viðburðum má nefna 30 ára afmælistónleika SúEllen, fjölskyldudagskrá á Eskifirði, dansleik í Egilsbúð og frumsýningu heimildamyndarinnar Háski: Fjöllin rumska um snjóflóðin í Neskaupstað.
„Ég er algjörlega orðlaus yfir hvað göngin munu hafa mikil áhrif, ekki bara á okkur sem búum sitt hvoru megin ganganna eða í Fjarðabyggð heldur alla á Austurlandi,“ sagði Páll Björgvin Guðmundsson bæjarstjóri í Fjarðabyggð í ávarpi sínu við opnunina.
„Þetta er stærsta einstaka framkvæmd í vegamálum á Íslandi undanfarin ár. Hún er ekki bara einstök vegna umfangsins heldur vegna þeirra samfélagslegu áhrifa sem henni er ætlað að hafa og ekki bara á byggðirnar næst henni,“ sagði Helgi Haraldsson, vegamálastjóri.
Myndir: Jens Einarsson