Mjög róleg verslunarmannahelgi á Austurland
Lögreglumenn segjast varla muna eftir rólegri verslunarmannahelgi á Austurlandi þó mikil umferð hafi verið í fjórðungnum.Bæjarhátíðirnar Neistaflug og Álfaborgarséns fóru fram um liðna helgi en að sögn lögreglu fóru hátíðarhöld vel fram, enda hafi lítið sem ekkert komið inná þeirra borð tengt hátíðarhöldunum.
Mikil dagskrá var að venju á Neistaflugi í Neskaupsstað en segir lögregla að þó nokkuð af fólki hafi verið saman komið í bænum. Allar skemmtanir hafi þó farið vel fram frá sjónarhorni lögreglu.
Mikil bílaumferð var í fjórðungnum um helgina en lögreglan telur að þar hafi mest verið á ferðinni erlendir ferðamenn.
