LED lýsing sparar Fjarðabyggð 15 milljónir króna
Áætlað er að LED lýsing á götukerfi Fjarðabyggðar muni spara sveitarfélaginu 15 milljónir kr á ársgrundvelli.Þórður Vilberg Guðmundsson upplýsingafulltrúi Fjarðabyggðar segir að verkefnið við að skipta úr hefðbundinni götulýsingu og yfir í LED hafi staðið um hríð. Verkefnið er hinsvegar viðamikið og mun taka nokkur ár.
Upphaf málsins má rekja aftur til ársins 2018 þegar bæjarráð samþykkti að farið yrði í alvarlega skoðun á LED lýsingu gatnakerfisins í sveitarfélaginu.
Í febrúar í fyrra var síðan gengið frá samingum við RARIK, sem sá áður um götulýsinguna, um að Fjarðabyggð yfirtæki og eignast götulýsingarkerfið í því ástandi sem það var við undirritun samnings. Í framhaldi af því hófst svo vinna við LED lýsinguna í sveitarfélaginu.
Fjarðabyggð var þriðja sveitarfélagið sem samdi við RARIK á þessum nótum í fyrra en áður höfðu Ölfus og Akureyrarbær gert hliðstæða samninga.