Jólasokkarnir í ár koma frá Sjálfstæðisflokknum í Fjarðabyggð
„Jólasokkarnir í ár koma frá Sjálfstæðisflokknum í Fjarðabyggð,“ segir á Facebook síðu flokksins í Fjarðabyggð. Þar er birt mynd af sokkunum, ljósbláum með fálkamynstri.„Úrvalssokkar fyrir alla Sjálfstæðismenn og konur. Gakktu inn í nýtt kosningaár í nýjum Fálkasokkum.“ segir einnig á síðunni.
Fram kemur að parið kostar 3.500 kr. og rennur allur ágóði í kosningasjóð Sjálfstæðisflokksins í Fjarðabyggð.
Fólk er síðan hvatt til að vera tímanlega í því að útvega sér sokkana því um er að ræða ...“Takmarkað magn, fyrstir koma fyrstir fá,“ eins og segir á síðunni.
Þar er einnig að finna netfang til að panta eintök af þessum sokkum.
Mynd: Facebook