Gul veðurviðvörun á Austurlandi síðdegis
Gul veðurviðvörn tekur gildi á Austurlandi að Glettingi kl. 4 í dag og gildir í ellefu tíma. Spáð er suðvestan stormi 18-23 m/s og að hviður verði jafnvel yfir 35 m/s.Á vefsíðu Veðurstofunnar segir að á meðan verði varhugavert ferðaveður og fólk er hvatt til að sýna aðgát og tryggja lausamuni.
Sem stendur er hálka á Fjarðarheiði en krapi á Fagradal annars hálka eða hálkublettir á leiðum. Greiðfært er frá Reyðafirði með ströndinni að Höfn, að því er segir á vefsíðu Vegagerðarinnar.