Gul veðurviðvörun á Austurlandi og Austfjörðum á morgun
Veðurstofan hefur gefið út gula veðurviðvörun fyrir Austurland að Glettingi og Austfirði á morgun. Viðvörunin hefst á miðnætti í kvöld og stendur í sólarhring. Búist er við norðanstormi og töluverðri úrkomu á Seyðisfirði og Eskifirði.
Á Austfjörðum er spáð norðan og norðaustan hvassviðri eða stormi, 15-23 m/s, með rigningu á láglendi en snjókomu til fjalla. Úrkoman byrjar sem snjókoma, skiptir yfir í rigningu og fer svo aftur í snjókomu um kvöldið.
Búast má við 15-20 mm af rigningu á um 6 tímum á Seyðis- og Eskifirði.
Talsverð snjókoma með lélegu skyggni og versnandi akstursskilyrðum á fjallvegum. Samgöngutruflanir líklegar og ekkert ferðaveður.
Á Austurlandi er einnig spáð orðan og northaustan hvassviðri eða stormur, 15-23 m/s. Talsverð snjókoma með lélegu skyggni og versnandi akstursskilyrðum á fjallvegum, en rigning um tíma á láglendi. Samgöngutruflanir líklegar og ekkert ferðaveður.