Gránaði í fjöll í Vopnafirði í morgun
Haustið er að hefja innreið sína og við það urðu íbúar á Vopnafirði í morgun. Grátt var þar í fjöllum í fyrsta skipti þetta haustið.
„Það er farinn að liggja svona haustfílingur í loftinu,“ segir Ólafur Áki Ragnarsson sveitarstjóri. „Það var grátt efst í fjöllunum hér sunnan megin í firðinum.“
Samkvæmt tölum frá Veðurstofu Íslands var hiti á Vopnafjarðarheiði rétt rúmar tvær gráður síðustu nótt og mikill raki í loftinu.
Dagurinn bar hins vegar betri tíðindi. „Það er búið að vera fínt núna seinni partinn og sól í heiði,“ sagði Ólafur Áki.