Framkvæmdir við strandblakvöll kærðar
Þrír íbúar á Vopnafirði hafa kært framkvæmdir við strandblakvöll í bænum til umhverfis- og auðlindaráðuneytisins. Þeir telja að skort hafi á samráð við aðdraganda framkvæmdarinnar.
Í bréfi íbúanna til ráðuneytisins segir alvarlegt að ráðist hafi verið í framkvæmdina án grenndarkynningar eða samráðs við íbúa. Farið hafi verið í hana eftir að framkvæmdir voru hafnað og þá hafi íbúar í níu af þeim fimmtán húsum sem fengu bréf mótmælt staðsetningu vallarins „harkalega.“
Grunnur er kominn fyrir völlinn við enda sparkvallarins, skammt frá skólanum við Lónabraut. Byrjað var á vellinum í fyrra en þær stöðvaðar eftir athugasemdir íbúa. Síðsumars var aftur ákveðið að fara af stað en málið virðist á ný komið á ís eftir kæruna.
Íbúarnir segja í kærunni að af vellinum hljótist sandfok sem aldrei verði hægt að koma í veg fyrir. Þá verði ónæði af leikmönnum sem sækja þurfi boltann í garða annarra. Eins muni girðing við völlinn skyggja á kvöldsólina.
Sagt er að sveitarstjórn hafi aldrei sýnn nein vilja til að ná sáttum og keyrt málið áfram í óþökk meirihluta í búa í grenndinni. Fullyrt er að aðilar í sveitarstjórn sem eigi beinna hagsmuna að gæta hafi ekki vikið sæti við afgreiðslu málsins.
Hreppurinn hefur áður svarað athugasemdum íbúanna á þann hátt að lítið fokgildi sé í sandinum og breitt verði við hann í hvassviðri. Staðan verði svo metin að loknu sumri 2017.