Flugfarþegum fækkaði minnst á Austurlandi í ágúst
Á heildina litið fækkaði innanlands flugfarþegum hlutfallslega minnst á landinu öllu á Austurlandi í ágúst. Alls fækkaði flugfarþegum í mánuðinum um yfir helming en á Egilsstaðaflugvelli nam fækkunin 36.7% miðað við sama mánuð í fyrra.Þetta kemur fram á vefsíðunni túristi.is sem aftur uppbyggir á upplýsingum frá Isavia. Sem fyrr segir fækkaði flugfarþegum á landinu í heild um meir en helming eða um 52,5%. Mest var fækkunin á Reykjavíkurflugvellli eða 56,4%, á Akureyrarflugvelli 53,7% og á öðrum flugvöllum um 47,2%,
Svipaða þróun má einnig sjá í júlímánuði en þá fækkaði flugfarþegum um Egilsstaðaflugvöll um 21% en um 40,6% að jafnaði á öðrum flugvöllum landsins.
Á sama tíma varð algert hrun í fjölda flugfarþega sem fóru um Keflavíkurflugvöll. Þeim fækkaði um 84% í ágúst miðað við sama mánuð í fyrra.
