Fimm sóttu um stöðu félagsmálastjóra
Fimm sóttu um stöðu félagsmálastjóra Fjarðabyggðar en umsóknarfrestur rann út fyrir skemmstu. Sigrún Þórarinsdóttir sem gegnt hefur starfinu undanfarin ár sagði starfi sínu lausu í lok síðasta árs.
Félagsmálastjóri hefur yfirumsjón með félagslegri þjónustu á vegum sveitarfélagsins. Undir hana fellur barnavernd, félagsþjónusta, jafnréttis- og öldrunarmál sem og málefni fatlaðra.
Í auglýsingu er meðal annars farið fram á háskólapróf á sviði félagsráðgjafar, sálfræði eða sambærilegrar menntunar sem nýtist í starfi. Meistaragráða er æskileg sem og reynsla af stjórnun eða framhaldsmenntun á sviðinu enda ber félagsmálastjórinn ábyrgð á stjórnun og rekstri síns málaflokks.
Umsækjendurnir eru:
Glúmur Baldvinsson, Ms. í alþjóðastjórnmálum, Hafnarfirði
Helga Elísabet Guðlaugsdóttir, deildarstjóri búsetuþjónustu hjá Fjarðabyggð, Reyðarfirði
Inga Rún Sigfúsdóttir, yfirfélagsráðgjafi í Fjarðabyggð, Eskifirði
Kristín Ella Guðmundsdóttir, forstöðuþroskaþjálfi, Neskaupstað
Þorsteinn Árnason, stuðningsfulltrúi hjá Bakkabakka, Neskaupstað