Ekkert smit í viku
Vika er nú liðin frá því að Covid-19 smit greindist á Austurlandi. Teljandi líkur eru taldar á að fleiri greinist með smit þótt hættan sé ekki liðin hjá. Ekki tókst að rekja hvaðan smitið barst.Einstaklingurinn sem greindist með smitið í síðustu viku er enn í einangrun og aðeins einn eftir í sóttkví.
Þrátt fyrir talsverðar tilraunir tókst ekki að rekja hvaðan smitið barst né nokkrar vísbendingar í raun. Smitrakningunni telst því lokið án niðurstöðu en um 15% þeirra sem greinst hafa falla í þann flokk.
Hættan á frekara smiti minnkar eftir því sem á líður. Mestar líkur eru taldar á smitum innan viku en þó í allt að 14 daga.
Aðgerðastjórn almannavarnanefndar Austurlands minnir því Austfirðinga að gæta áfram að sér, muna eftir fjarlægðarmörkum, grímunotkun, handþvotti og sprittnotkun.