Ekkert ferðaveður á Austfjörðum á morgun
Gul viðvörun tekur gildi á Austfjörðum í nótt kl. 2 og gildir til kl. 22 annað kvöld. Ekkert ferðaveður verður á meðan viðvörunin er í gildi.Á vefsíðu Veðurstofunnar segir að spáð sé við norðvestan stormi eða roki 18-28 m/s.
„Búast má við mjög hvössum og varhugaverðum vindhviðum við fjöll 30-45 m/s. Samgöngutruflanir líklegar og ekkert ferðaveður er á meðan viðvörunin er í gildi,“ segir á vefsíðunni.
„Nauðsynlegt er að tryggja lausamuni til að fyrirbyggja foktjón og er fólki bent á að sýna varkárni og fylgjast með veðurspám.“