Drangur hífður á flot í morgun
Hafist var handa við að hífa togskipið Drang í Stöðvarfjarðarhöfn á flot snemma í morgun. Tveir öflugir kranar eru notaðir við verkið.Drangur sökk óvænt í höfninni snemma morguns fyrir fjórum dögum síðan. Ekki er enn vitað hvað olli því að skipið sökk.
Eins og fram hefur komið í fréttum er Drangur talinn ónýtur og verður að öllum líkindum sendur í brotajárnsvinnslu.
Mynd: Björgvin Valur Guðmundsson.
