Búið að opna Fjarðarheiði en ekki hægt að hálkuverja

Höfundur: Friðrik Indriðason • Skrifað: 04. desember 2020.

Búið er að opna Fjarðarheiði en þar er mjög hált og skafrenningur. Ekki er hægt að hálkuverja veginn sem stendur vegna vinds.

Þetta kemur fram á vefsíðu Vegagerðarinnar. Þar segir einnig að á Fagradal sé þungfært og enn unnið að mokstri þar. Vegurinn er nú einbreiður á kafla.

Breiðdalsheiði er ófær og vegurinn um Öxi er lokaður. Þá er víða snjóþekja á Héraði og hálka eða hálkublettir niður á fjörðunum.