Breytt snið á aðventunni á Vopnafirði
Vegna samkomutakmarkana fagna Vopnfirðingar aðventunni með breyttu sniði þetta árið. Leikskólinn Brekkubær verður í sviðsjósinu.
Í umfjöllun á vefsíðu Vopnafjarðar segir að Í ljósi stöðunnar í samfélaginu verður ekki hátíðlegur viðburður fyrsta sunnudag í aðventu eins og hefð er orðin fyrir, þar sem íbúar sveitarfélagsins hafa komið saman og notið formlegrar dagskrár við tendrun ljósa á jólatré miðbæjarins.
Þess í stað mun hópur elstu barna af leikskólanum Brekkubæ nýta kennslustund fyrir útikennslu til að tendra ljós trésins á skólatíma á morgun þriðjudaginn 1. desember, en þann dag á leikskólinn Brekkubær einmitt afmæli og fagnar 29 árum að þessu sinni.
Mynd: Wikipwdia.