Breiðdælingar móta framtíðina: Styrkjum úthlutað fyrir 5 milljónir króna
„Breiðdælingar móta framtíðina“ er yfirskrift byggðaþróunarverkefnis í Breiðdalshreppi, sem leitt er af Byggðastofnun í samstarfi við Breiðdalshrepp, Austurbrú, Samband sveitarfélaga á Austurlandi, Háskólann á Akureyri og íbúa Breiðdalshrepps.
Verkefnið byggir á þeirri hugmyndafræði að stofnanir, sveitarfélag og íbúar leggi saman krafta sína eflingar byggðar í stað þess að stofnanir eða stjórnvöld komi með lausnir sem ekki eru sprottnar innan frá.
Verkefnisstjórn verkefnissins úthlutaði á fundi sínum þann 13. maí síðastliðinn styrkjum til 9 verkefna fyrir alls 5 milljónir króna. Auglýst var eftir umsóknum um styrki og bárust 14 umsóknir.
Hið Austfirzka bruggfjelag ehf og Breiðdalsbiti hljóta við uthlutunina stærstu styrkupphæðirnar. Lista yfir alla styrkþegana og styrkupphæðir má sjá hér að neðan.
Hið Austfirzka bruggfjelag ehf 1.000.000 kr.
Breiðdalsbiti 950.000 kr.
Upplýsingamiðstöð á Breiðdalsvík 800.000 kr.
Breiðdalssetur ses. v/ göngukorts 700.000 kr.
Menningardagur í Breiðdal 500.000 kr.
Tónleikar „Rock the boat“ 450.000 kr.
Minjagripir úr ull 300.000 kr.
Breiðdalsgáttin „pointless door“ 150.000 kr.
Vegamót 150.000 kr.