Bláa kirkjan á Seyðisfirði gul
„Við komust ekki til Reykjavíkur á málþing en getum vakið athygli á sjúkdómnum, sem margir vita ekki af, á þennan hátt,“ segir Dagný Erla Ómarsdóttir, atvinnu-, menningar- og íþróttafulltrúi hjá Seyðisfjarðarkaupstað, en þessa vikuna er bláa kirkjan á Seyðisfirði lýst upp með gulum lit í tengslum árveknisátak um Endo sjúkdóminn.
Legslímuflakk eða endómetríósa er krónískur, sársaukafullur sjúkdómur sem getur valdið miklum sársauka, blöðru- og þarmavandamálum auk ófrjósemi. Allar konur sem eru byrjaðar að hafa blæðingar geta fengið legslímuflakk. Einnig hefur greinst legslímuflakk í karlmönnum sem er afar óalgengt.
Málþing um sjúkdóminn verður haldið 8. mars næst komandi í Hringsal Landsspítlans. Þar verða fyrirlestrar og pallborðsumræðum, með tilkomu lækna, hjúkrunarfjólks, sjúklinga, aðstandenda og alþingismanna. Landsspítalinn verður m.a. lýstur gulur af þessu tilefni.
Vilja sýna stuðning í verki
„Þetta er leið okkar Seyðfirðingar að sýna málefnum stuðning í verki,“ segir Dagný Erla, en þetta er ekki í fyrsta skipti sem kirkjan fær á sig annan lit með lýsingu. Hún var til dæmis rauð í febrúar, mánuði hjartans, en þá var athygli vakin á fólki með hjartasjúkdóma, hjartagalla og almenna umræðu um lífsstíl sem tengist heilsu og nokkrar byggingar á Íslandi lýstar rauðar, þar á meðal Seyðisfjarðarkirkja. Hún var svo bleik í október í tengslum við Bleiku slaufuna, árveknis- og fjáröflunarátaks Krabbameinsfélags Íslands gegn krabbameinum hjá konum.
Ljósmynd: Ómar Bogason
