Austurland sleppur ekki við hertar reglur
Sóttvarnalæknir mælist til þess við heilbrigðisráðherra að hertar reglur til varnar útbreiðslu Covid-19 veirunni gildi jafnt yfir allt landið. Austurland er eini landshlutinn í dag án smits.„Ég held að það sé rétt að samræma aðgerðir yfir allt landið. Smitið er komið víðar en á höfuðborgarsvæðinu. Við höfum séð aukningu á smitum á til dæmis Norðurlandi og Akureyri.
Eina svæðið sem raunverulega hefur sloppið er Austurland. Ég legg þó til að tillögurnar verði eins á öllu landinu,“ sagði Þórólfur Guðnason, sóttvarnalæknir á upplýsingafundi í morgun.
Hann staðfesti þar að hann hefði sent heilbrigðisráðherra tillögur að hertum reglum. Hann vildi ekki upplýsa í hverju breyttar reglur en lét þess þó getið að vafaatriðum og undanþágum yrði fækkað.
Samkvæmt tölum af Covid.is frá í morgun er Austurland eini landshlutinn án smits. Þá held heldur enginn í sóttkví.
