Auglýsa tillögu að deiliskipulagi fyrir virkjun í Þverá
Vopnafjarðarhreppur hefur auglýst tillögu að nýju deiliskipulagi fyrir virkjun í Þverá. Frestur til að skila inn athugasemdum er til 11. desember n.k. Virkjunin verður 6 MW.Þverá er dragá sem rennur úr Smjörfjöllum niður á lálendi Vopnafjarðar, út í Hofsá og þaðan til sjávar. Um er að ræða svæðið frá brú á Sunnudalsvegi upp með Þverá að áramótum Þverár og Sauðár þar sem stífla er áformuð þvert yfir árfarveg Þverár.
Aðalstíflan liggur úr landi Hrappsstaða/Háteigs yfir í land Egilsstaða rétt neðan við ármót Þverár og Sauðár, og myndar þannig lítið inntakslón. Stíflan er hefðbundin jarðstífla með stálþili eða kjarna sem þéttingu. Lengd stíflunnar er um 110 m og mesta hæð stíflunnar er um 18 m.
Sjá nánar á vefsíðunni Vopnafjardarhreppur.is
