Allar björgunarsveitir á Austulandi leita manns í Stafafellsfjöllum
Umfangsmikil leit stendur nú yfir að manni sem er týndur í Stafafellsfjöllum í Lóni. Allar björgunarsveitir á Austurlandi og Suðurlandi hafa verið kallaðar út.Tugir björgunarsveitamanna leituðu í nótt og von er á um 100 manna liðsauka í dag
Þyrla Landhelgisgæslunnar flaug til Hafnar í Hornafirði í gærkvöldi og hefur enn ekki tekið þátt í leitinni vegna leiðindaveðurs á leitarsvæðinu, kalsarigning og strekkingsvindur að því er segir á ruv.is. Gul veðurviðvörun er á leitarsvæðinu.
Einnig hefur verið notast við sporhund og dróna við leitina.
Björgunarsveitir af Austurlandi voru kallaðar út um áttaleytið í gærkvöldi og hefur leit að manninum staðið óslitið síðan.
