Alcoa stefnir á að hætta losun gróðurhúsalofttegunda fyrir árið 2050
Bandaríski álframleiðandinn Alcoa, sem meðal annars rekur álver í Reyðarfirði, stefnir á að jafna alla losun gróðurhúsalofttegunda frá framleiðslu sinni fyrir árið 2050.Þetta kemur fram í tilkynningu sem félagið sendi frá sér í byrjun þessa mánaðar.
Endurnýjanleg orka er lykilatriði í þessum áformum, en álframleiðsla þess á heimsvísu þegar þegar keyrð á 75% endurnýjanlegri orku.
Þá bindur fyrirtækið vonir við tækniframþróun, en á vegum þess er unnið að lausnum til að draga úr kolefnislosun við framleiðslu áls.
Fyrirtækið ætlar sé að ná markmiðum sínum í áföngum. Fyrir árið 2025 er stefnt að því að hafa minnkað beina og óbeina losun gróðurhúsalofttegunda frá álbræðslu og súrálsvinnslu um 30% og um 50% fyrir árið 2030, miðað við losunina árið 2015.
Þá vinnur Alcoa einnig að því að draga úr vatns- og orkunotkun, styðja við líffræðilega fjölbreytni og minnka úrgang.
