AFL fordæmir aðgerðir yfirmanna í Straumsvík
AFL Starfsgreinafélag fordæmir aðgerða í álverinu í Straumsvík sem í morgun gengu í störf hafnarverkamanna í verkfalli. Stjórn félagsins skorar á stjórn Samtaka atvinnulífsins að gera slíkt hið sama.
Þetta kemur fram í yfirlýsingu sem stjórnin sendi frá sér í dag. Þar er bent á að nú standi yfir allsherjaratkvæðagreiðsla um sátt á vinnumarkaði til næstu tveggja ára og framkoma yfirmanna álversins setji samningaviðræður um framtíðarskipan vinnumarkaðar í uppnám.
Ekki náist framtíðarsátt á vinnumarkaði með því að aðildarfyrirtæki Samtaka atvinnulífsins taki sér sjálfdæmi um hvort þau virði kjarasamninga meðan verkalýðsfélög skuldi félagsmenn sína með samningunum.
Því er skorað á stjórn Samtaka Atvinnulífsins að fordæma framkomu Ísal og yfirmanna fyrirtækisins.
Eftir langvinna kjaradeilu sé ekki að undra þótt gripið sé til aðgerða. Framkoma forsvarsmanna Rio Tinto, móðurfélags álversins, í samningaviðræðum er sögð „til háborinnar skammar.“
Ekki verið unað við að alþjóðleg stórfyrirtæki hámarki hagnað sinn á kostnað íslensks launafólks þvert á kjarasamninga. Útvistun verkefna sé eitt helsta verkfæri stórfyrirtækja til félagslegra undirboða og gegn því þurfi að berjast af fullri hörku.
Að endingu lýsir AFL Starfsgreinafélag yfir fullum stuðningi við baráttu starfsmanna í Straumsvík og rétti þeirra fyrir því að gerðir við þá kjarasamningar eins og íslensk lög gera ráð fyrir.
