Lögreglan stöðvaði leyfislausa fólksflutninga
Lögreglan á Egilsstöðum sektaði í dag erlendan ferðamann sem tók upp í farþega á sérútbúinn vörubíl án þess að hafa nokkur leyfi til fólksflutninga.
Ökumaðurinn hafði útbúið gám aftan á bílinn með plássi fyrir farþega. Þegar lögreglan hafði afskipti af honum sátu sex þar en útbúnaður bílsins var ekki í samræmi við lög og því ökumaðurinn ekki með leyfi til fólksflutninganna.
Hann var sektaður og farþegarnir þurftu að taka leigubíl til að komast á leiðarenda.
