Brunnar opnaðir til að létta á lagnakerfinu
Björgunarsveitar- og bæjarstarfsmenn á Egilsstöðum hjálpuðust á öðrum tímanum í nótt að við að opna brunna til að létta á lagnakerfi bæjarins.
Útkall barst upp úr klukkan eitt þegar vatn byrjaði að flæða inn í Héraðsprent sem staðsett er í kjallarahúsnæði í miðbænum.
Síðan hefur heldur dregið úr úrkomunni.
Nóttin hefur annars verið tíðindalaus enn sem komið er hjá viðbragðsaðilum en þeir eiga fremur von á átökum þegar bæta tekur í vindinn með morgninum.
