Nafn mannsins sem lést í Seyðisfirði
Svissneski maðurinn sem lést í sunnanverðum Seyðisfirði í síðustu viku hét Pascal René Danz Lunn. Þetta kemur fram í fréttatilkynningu frá lögreglunni á Austurlandi í dag.Leit var gerð að manninum á laugardag í kjölfar þess að upplýsingar bárust frá eiginkonu hans í Sviss um að ekki næðist í hann. Eftir um fjögurra klukkustunda leit lögreglu og björgunarsveita á Austurlandi fannst maðurinn látinn, en áður hafði bifreið hans fundist mannlaus við Fjarðarselsvirkjun, þar sem hún hafði staðið í nokkra daga. Maðurinn virðist hafa fallið í klettum við Ytri-Hádegisá.
Í fréttatilkynningu þakkar lögreglan á Austurlandi björgunarsveitum veitta aðstoð.
