Sögulegur bæjarstjórnarfundur
Í tilefni af 100 ára afmæli kosningaréttar kvenna, munu konur skipa hvert sæti á næsta fundi bæjarstjórnar Fjarðabyggðar - sem fram fer i dag. Konur eru fjórar af níu bæjarfulltrúum og taka því fimm varabæjarfulltrúar úr röðum kvenna sæti á fundinum.
Þetta verður í fyrsta sinn í sögu sveitarfélagsins sem eingöngu konur sitja fund bæjarstjórnar.
Að öðru leyti er um hefðbundinn bæjarstjórnarfund að ræða.
Á dagskrá þessa sögulega fundar er m.a. staða kvenna í sveitarstjórnarmálum á landsvísu og jafnréttisáætlun Fjarðabyggðar.
Ljósmynd: Karlmennirnir í bæjarstjórninni munu ekki sitja fund í dag.
