Samið á álverslóð
Samningar tókust í gær á milli AFLs Starfsgreinafélags við átta verktakafyrirtæki sem starfa sem undirverktakar Alcoa Fjarðaáls við Reyðarfjörð.Í tilkynningu frá AFLi segir að samningarnir hafi verið gerðir í formi fyrirtækjasamninga með sameiginlegum rammasamningi sem AFL, Samtök atvinnulífsins og Alcoa gerðu fyrir rúmum hálfum mánuði.
Verkfalli var þá frestað meðan unnið var í einstökum samningum. Til hálfs dags verkfalls kom í fyrradag þar sem þeim var ekki lokið.
Rammasamkomulagið á meðal annars að tryggja að sambærileg laun séu hjá undirverktökunum og álverinu sjálfu.
Samningarnir verða kynntir í næstu viku og í kjölfarið verða greidd atkvæðu um þá innan hvers fyrirtækis fyrir sig.
