Verkfalli frestað um átta sólarhringa
Samninganefnd AFLs Starfsgreinafélags, í vinnudeilu um kjör starfsmanna undirverktaka ALCOA, ákvað í fundi á laugardaginn að fresta áður boðuðu verkfalli um átta daga hjá hjá sjö aðildarfyrirtækjum SA sem starfa sem undirverktakar hjá ALCOA og einu fyrirtæki sem stendur utan SA. Í yfirlýsingu frá AFLi kemur fram að ástæða frestunnarinnar sé sú að á samningafundum á fimmtudag og laugardag hafi náðst árangur sem samninganefndin telur réttlæta frestunina – þ.e. að mögulega dugi komandi vika til að ná samkomulagi sem unnt verði að leggja fyrir starfsmenn undirverktaka í atkvæðagreiðslu.
Í yfirlýsingunni segir að eftirtaldir þættir hafi verið hafðir að meginmarkmiði í kröfugerðinni:
- Að tryggja starfsmönnum undirverktaka sambærileg kjör og starfasmenn ALCOA hafa.
- Að það séu kjarasamningar um kaup og kjör á svæðinu en ekki einhliða ákvarðanir einstakra fyrirtækja.
- Að tryggja lágmarkskjör á athafnasvæðinu þannig að ný fyrirtæki geti ekki komið inn og undirboðið aðra með því að greiða lægri laun en nú eru greidd.
Að höfðu samráði við lögmenn félagsins sýnist, ef þetta gengur eftir, markmiðin þó svo óskastaðan hafi verið sú að gera kjarasamning um málið. Samkomulagið við ALCOA yrði því ígildi tryggingar fyrir ákveðnum lágmarkskjörum.
Samninganefndin ákvað því á laugardag að þetta væri þess virði að skoða og frestaði því boðaðri vinnustöðvun í þeirri von að ásættanleg niðurstaða yrði í deilunni án þess að grípa þyrfti til harkalegra aðgerða.
