Rúturnar voru ekki búnar til vetraraksturs: Annríki hjá björgunarsveitum um helgina
Töluvert annríki var hjá austfirskum björgunarsveitum um helgina sem meðal annars aðstoðuðu þrjár smárútur með tæplega tveggja tíma millibili. Á föstudagskvöldið aðstoðaði Björgunarsveitin Hérað þrjár litlar rútur sem sátu fastar á Fagradal, rétt ofan við Mjóafjarðarafleggjara, ein þeirra var með stóra kerru og lokaði veginum. Einum og hálfum tíma síðar þurfti sveitin að losa sömu rútur við Einarsstaði. Póstbíllinn lenti einnig í vandræðum á Fagradal.
Samkvæmt Kjartani Benediktssyni, formanni Björgunarsveitarinnar Héraðs, voru rúturnar ekki útbúnar miðað við aðstæður sem voru slæmar. Rúturnar, sem voru fullar af útlendingum með íslenska bílstjóra, voru á leið niður á firði en snúið við eftir þær festust á Fagradal. Vegna mikils farþegafjölda var ákveðið að hópurinn gisti á Einarsstöðum en rúturnar lentu aftur í vandræðum á leið sinni þangað.
„Þetta dæmi á sér nú bara eðlilegara skýringar. Það var mjög hált og bílarnir á sumardekkjum. Hópurinn var mjög þakklátur og laus við alla hræðslu – en auðvitað þykir öllum leiðinlegt að þurfa að kalla út björgunarsveitir og hvað þá tvisvar sama kvöldið," segir Kjartan.
Björgunarsveitn Sveinungi í Borgarfirði Eystra sótti bílstjóra ruðningstækis í Vatnsskarð á föstudagskvöldið, en tækið var skilið eftir.
Björgunarsveitirnar Vopni á Vopnafirði og Jökull í Jökuldal komu ökumönnum þriggja bíla til aðstoðar, tveimur í Langadal og einum í Jökuldal á laugardaginn. Auk þess var rútu fylgt til Vopnafjarðar með aðkomu ruðningstækis.
Björgunarsveitin Hérað losaði svo bíl fyrir ofan Grænafellsskriður aðfaranótt sunnudags og færði á öruggan stað.
Björgunarsveitn Sveinungi í Borgarfirði Eystra sótti bílstjóra ruðningstækis í Vatnsskarð á föstudagskvöldið, en tækið var skilið eftir.
Björgunarsveitirnar Vopni á Vopnafirði og Jökull í Jökuldal komu ökumönnum þriggja bíla til aðstoðar, tveimur í Langadal og einum í Jökuldal á laugardaginn. Auk þess var rútu fylgt til Vopnafjarðar með aðkomu ruðningstækis.
Björgunarsveitin Hérað losaði svo bíl fyrir ofan Grænafellsskriður aðfaranótt sunnudags og færði á öruggan stað.
