Vegamálastjóri segist hafa skilning á því að bæði almenningi og fulltrúum í sveitarstjórnum þyki óþægilegt þegar gefið sé í skyn að ekki verði staðið við þá stefnumörkun sem þegar hefur verið mörkuð. Vandasamt verður að hefja framkvæmdir við önnur jarðgöng en Fjarðarheiðargöng árið 2027. Þegar hefur verið varið um 600 milljónum króna til þeirra.

Veginum yfir Fjarðarheiði var lokað rétt fyrir klukkan tíu í morgun eftir að bílar lentu í vanda þar vegna slæmra akstursskilyrða. Óvíst er um opnun hennar í dag.

Yfirverkstjóri hjá Vegagerðinni lýsir ánægju með samstarf við björgunarsveitir og lögreglu um að koma í veg fyrir að ökumenn, sem komu með Norrænu til Seyðisfjarðar í gær, legðu á Fjarðarheiðina á sumardekkjum. Einn bíll var skilinn eftir þar í nótt. Óvissustigi vegna snjóflóða var lýst yfir á Fagradal.

Myndavélar sem mæla meðalhraða ökutækja í gegnum Fáskrúðsfjarðargöng verða formlega teknar í notkun á morgun. Fyrstu slíkar myndavélarnar voru ræstar í Norðfjarðargöngum haustið 2021. Meðalhraðaeftirlit þykir gefa góða raun við að draga úr hraða og þar með umferðarslysum.

Heimastjórn Borgarfjarðar hefur farið þess á leit við Vegagerðina um að hún þjónustu veginn yfir Vatnsskarð alla daga vikunnar á veturna. Til viðbótar óska íbúar við innkeyrsluna inn í þorpið eftir að hámarkshraði þar verði lækkaður.