Um fimmtíu nemendur sem luku níunda bekk grunnskóla í Fjarðabyggð í vor og voru skráðir í Vinnuskóla sveitarfélagsins hófu vinnuna á viku kynningu á verknámi í Verkmenntaskóla Austurlands. Markmið verkefnisins er að auka áhuga á iðn- og tækninámi.
Tónlistarhátíðin Eistnaflug verður haldin í níunda sinn í sumar, dagana 11.-13. júlí, í Egilsbúð. Alls mun 41 hljómsveit stíga á stokk og þar af sjö erlendar. Markmið Eistnaflugs er að bjóða ferska og fjölbreytta dagskrá rokktónlistar sem spannar allt frá indí rokki yfir í þungan metal. Áhersla er lögð á að kynna það besta í íslensku rokki hverju sinni í bland við áhugaverðar erlendar sveitir.
„Skipstjórinn býður heim því hann er höfðingi. Við viljum hafa glatt og ánægt fólk um borð,“ sagði Jónas Hallgrímsson, stjórnarformaður Norrænu ferðaskrifstofunnar, í samtali við Austurfrétt í lok opins dags um borð í farþegaferjunni Norrænu í síðustu viku.
Um þriggja metra rostungur vakti mikla athygli Austfirðinga í gær þar sem hann flatmagaði í sólinni í Reyðarfirði. Sjónarvottar segja að rostungurinn hafi legið þar pollrólegur, alveg flatur og haft það gott. Stöku sinnum hafi hann reist sig upp. Rostungurinn hafði áður viðkomu í Færeyjum og þarlendis hafa menn fylgst fullir áhuga með ferðum dýrsins.
Listamannateymið RoShamBo, í góðri samvinnu við Skaftfell – miðstöð myndlistar á Austurlandi hefur nú lokið vinnu við vefkort sem hefur að geyma upplýsingar um öll helstu verkstæði, vinnustofur, sýningarými og áhugaverða staði á Seyðisfirði. 
Söngkonan Kjuregej ásamt tónlistarmönnunum Charles Ross og Halldóri Warén leggja á fimmtudag upp í tónleikaferð til Rússlands. Förinni er heitið á æskuslóðir söngkonunnar í Jakútíu í Síberíu.
Opnuð hefur verið sýning frá danska listahópnum A Kassen í Skaftfelli á Seyðisfirði. Hópurinn dvelur í gestavinnustofunni í júní og júlí.
Klukkan fjögur í dag verður sýningin „Óskatré framundan“ formlega opnuð í trjásafninu í Hallormsstaðaskógi. Á sýningunni munu sjö austfirskir listamenn sýna fjölbreytt verk í skóginum. 
Vel var tekið á móti Étoile, skólaskipi franska hersins er það lagðist að bryggju á Fáskrúðsfirði á föstudag. Var það í fyrsta sinn í ein 100 ár sem frönsk skúta siglir þöndum seglum inn Fáskrúðsfjörðinn.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.