Skiptum á búi Hafsíldar lokið
Skiptum á þrotabúi Hafsíldar hf. á Seyðisfirði lauk fyrr í þessum mánuði. Samþykktar almennar kröfur námu 235 milljónum króna en ekkert fékkst upp í þær.
Síldarverksmiðja undir merkjum var stofnuð af Ingvari Vilhjálmssyni á Seyðisfirði árið 1965. Þrotabúið sem gert hefur verið upp er með kennitölu frá árinu 1987. Fyrirtækið var úrskurðað gjaldþrota í héraðsdómi Austurlands haustið 1993. Veð- og forgangskröfur, upp á hálfa milljón króna, fengust greiddar að fullu.
Verksmiðjan hafði í gegnum árin orðið fyrir nokkrum snjóföllum. Árið 1986 féll flóð á olíutanka hennar. Árið 1967 varð smiðjan fyrir flóði þar sem mjölgeymsluhúsið eyðilagðist. Árið 1975 skemmdi flóð vélasal og verksmiðju. Meðal þeirra sem störfuðu í smiðjunni voru Björn Bjarnason, fyrrverandi ráðherra, sem segir frá því á heimasíðu sinni að hann hafi verið eitt sumar þar.