Prumpuhóllinn sýndur í Sláturhúsinu í kvöld
Möguleikhúsið sýnir leikritið Prumpuhólinn eftir Þorvald Þorsteinsson í Sláturhúsinu á Egilsstöðum í dag.
Sýningin er ætluð áhorfendum á aldrinum tveggja til tíu ára. Hún hefst klukkan 17:00 og stendur í rúmar 45 mínútur. Miðaverð er 1.500 krónur.„Hulda er nýflutt úr borginni og upp í sveit. Þegar hún fer í feluleik með Halla bróður sínum vill ekki betur til en hún villist og ratar ekki heim. Henni líst ekkert á þetta umhverfi þar sem allt er framandi; lyktin er náttúrufýla, grasið stingur og það eru pöddur út um allt!
Við sérkennilegan hól sem gefur frá sér dularfull hljóð hittir hún Steina. Hann er kátur tröllastrákur í skrítnum fötum sem segir Huldu að hóllinn sé í raun pabbi sinn. Hann hafi lent í sólargeisla og orðið að steini eftir að hafa borðað rosalega mikinn hundasúrugraut. En hundasúrugrauturinn varð ekki að steini. Ónei, hann ólgar enn svo drynur í hólnum. Og fýlan..maður lifandi!“
