Náttúrulegt steypibað í Laugarvalladal
Talsvert hefur verið um ferðafólk í Laugarvalladal á Brúaröræfum í sumar. Þar rennur heit uppspretta fram af klettabelti og njóta ferðamenn þess að baða sig í þægilega heitum fossinum, sem fellur ofan í náttúrulega vatnsskál. Þar má einnig liggja líkt og í heitum potti og njóta fagurrar náttúrunnar umhverfis. 
Áður fyrr var einnig hægt að baða sig í lindinni áður en hún féll fram af klettunum, en hún hefur verið of heit utanfarin sumur og nú er búið að fella fyrirstöður sem byggðar voru í farveginn til að gera sæmilega djúpa laug í honum.
-
Mynd/SÁ
