Hárdagur VA í Þórsmörk
Á dögum myrkurs settu nemendur 3. annar hárdeildar Verkmenntaskóla Austurlands upp sýningu í Þórsmörk á Neskaupstað.
Sýningin var samvinnuverkefni þriggja áfanga. Það voru iðnfræði, iðnteikning og hárgreiðsla. Nemendur unnu meðal annars ritgerð, teiknuðu teikningar og hönnuðu og útfærðu hár í greiðslur á dúkkum og einnig á módelum. Allt var þetta til sýnis í Þórsmörk ásamt því sem nemendur túlkuðu landið sem þeir völdu í því rými í húsinu sem þeir fengu úthlutað.
Á sýningunni voru einnig nemendur 1. annar í hárdeild VA með verkefni til sýnis sem þau höfðu unnið, auk þess að hjálpa eldri nemendum að setja upp aðalsýninguna og vinna á henni.
Nemendur listaakademíu VA voru einnig á svæðinu og voru þeir með tónlistaratriði ásamt því að nemendur í ÍSL503 lásu ljóð sem tengdust þeim þjóðum sem fjallað var um. Nemendur í SAG303 lásu skemmtilega frásögn um hreinlæti á Íslandi og um þjóðbúning Íslands.
Um 200 manns komu til að sjá sýninguna.
